Naxsh Bannar Ad

جینۆساید كورد
2014/11/15 19:32
نوسەر: جینۆسایدی کورد

نامەكەی مەلا كامەران وێنە راستەقینەكەی داعشە

ئا: جینۆساید كورد

مەلا كامەران كە دانیشتووی شاری سلێمانیە، نامەیەكی ئاراستەی “ساڵەح موسلیم كردوە، لە بەرامبەر ئەو بڕیارەی كە تایبەت بە مافەكانی ژنان لە چوارچێوەی دەسڵاتی خۆ بەڕێوەبەری رۆژئاوا دەچوێنراوە، لە نامەكەیدا بە شێوەیەی زۆر نابەتیانەو بە ئاراستەی خۆتێهەڵقورتاندن، دەیەوێ‌ لە پال سێبەری ئایندا ئامۆژكاری ساڵەح موسلیم و یەپەگەو دەسڵاتی خۆ بەڕێوبەری رۆژئاوا بكات. هەروەها لەنامەكەیدا لە تۆڕی كۆمەڵایەتی خۆی لە فەیسبووك بڵاویكردۆتەوە ئاماژە بۆ ئەوە دەكات” ئێمە لە زووەوە وتومانە داعش لیزمە لە ئیسلامیدا هەیەو لە چەپ و ماركسی و علمانیەتیشدا هەیە چونكە لۆژیكەكەی سڕینەوەی هەموو ئەوانی ترو ڕەنگەكانی ترە ئەوكارەی ئێوەش كە لە”میرات و مارەیی ئافرەتان” و وەك پێدەچێت لە هەمووشتەكانی تریشدا هەر وایە!، جۆرێكە لە داعشێتی بەسەر زۆرینەیەكی موسڵماندا، ئێمە گومانی هەڵەمان وابوو كە ئێوە هیچ كێشەیەكتان لەگەل خودی ئیسلامدا نیە، بەڵام پێچەوانەكەی ڕاست دەرچوو”. ئەم قسانەی مەلا كامەران لە كاتێكدایە كە قسەكانی خۆی تێكڕا دەچنە خزمەتی تاوان و بڕیارە قیزەوەن و چەپەڵەكانی داعش و هاوكارەكانیانەوە، چونكە ئەو دەیەوێ‌ وەك داعش بە یاسای چاخەكانی بەردین و جەهالەت مامەڵە لەگەڵ ئافرەتان و ژنان بكرێ‌ و چاوی بە بڕیارو یاسایەك هەڵنایەت كە بەرمەبنای بنەكانی پێشكەوتنخوازی بێت و رێزو شكۆ بۆ مرۆڤ و ئافرەت بگەڕێنێتەوە.

لەكۆتایی نامەكەدا مامۆستا كامەران، دەڵێت” لێرە بەدواوە چاوێك بەهەڵوێستەكانماندا دەگێڕینەوە لە پشتوانی و یارمەتی دانی تۆ و پارتەكەت و شەڕەڤانەكانت”. لێرەدا مەلا كامەران خۆی بە وارسی ئەو كۆمەك و یارمەتیانە دەزانێ‌ كە خەڵكی بەشەرەفی كوردستان وەك ئەركێكی نیشتمانی و نەتەوەیی و ئەخلاقی و مرۆیی بەرامبەر بە رۆژئاواو ئاوارەكان و كۆبانی  دەیكەن، ئەمە لە كاتێكدایە ئەو هەمیشە مشەخۆر بوە بەسەر كۆمەڵگاوەو ئەوە ئەویش نیە یارمەتی رۆژ ئاوا دەكات، وە منەتی هیچ حزب و لایەنێكی سیاسیش نیە، بەڵكو ئەوە وەزیفەی خەڵكی نیشتمان پەروەرو مرۆڤ دۆستی كوردستانە، ئەوەشی ئەو كردویەتی و ناردوویەتی با بیگەڕێنێتەوە بۆ خەزێنە نادیارەكەی.

ئێمە وەك ماڵپەڕی جینۆساید كورد، لەم راپۆرتەدا دەقی نامەكەی “كامەران” و رای چەند نوسەرو رۆژنامەنوسێك كە لە ئاكاونتی تۆڕی كۆمەڵایەتی فەیسبوكەوە وەرمان گرتوە، بەم شێوەیەیی لای خوارەوە:

نامەكەی مەلا كامەران  

نامەیەكی كراوە بۆ بەڕێز: “صالح” مسلم هاوسەرۆكی پەیەدە

نامەكەی مەلا كامەران وێنە راستەقینەكەی داعشە

ئا: جينؤسايد كورد

بەرێزم: بەو پێیەی بەندە یەكەم مامۆستایەكی ئاینی بووم كە دژایەتی خۆم بۆ هەڵوێستی گروپە ئیسلامیەكان و بەتایبەتیش بەرەی نصرە دەربڕی ئەوكات كە لە عفرین و ناوچە كوردیەكان لە دژتان دەجەنگان، هەروەها یەكەم مامۆستایەكی ئاینی بووم كە دژایەتی خۆمم دەربڕی لە چوونی گەیاند کە هەر کوردێک لەشەڕی دژی کوردستانی ڕۆژئاوا بکوژرێت پێی ناوترێت شەهیدو ستەمکارە، وە بۆ ئێستاش هەمووان هەڵوێستی بەندە دەزانن سەبارەت بە داعش و کۆبانی و پێشمەرگەو شەڕڤانەکان….هتد!.

بەهەرحاڵ ئەوەی دەمەوێت لەم نامەیەدا تۆخی بكەمەوە تا خراپ حاڵی بوون ڕوونەدات، ئەوەیە: بەڕێزتان و پەكەکەو پەیەدەو ئەو هێز گەل و ئایدۆلۆژیایە یەكسان نین بە یەك بست لە خاك و نیشتمانی کوردستان، ئێوەو هەڵوێستەكانتان یان بیروباوڕ و ئایدۆلۆژیاتان جیگەی ڕەخنەو قسە لەسەركردنە، ڕاستە ئێوە قوربانی زۆرتان داوە لە مێژووی شۆڕشی نەتەوایەتیدا، بەڵام ئەوە مانای ئەوە نیە ئەوەی دەتوانن بیكەنە دەستورو نەهج و پرۆگرامی حیزبی خۆتان بەهەمان شێوەش بیسەپێنن بەسەر گەلانی ژێر دەستەتانداو ڕەچاوی ئاین و بیروباوەڕی زۆرینەی ئەو خەڵكە نەكەن!، بەتایبەتی ئاینی پیرۆزی “ئیسلام” كە ئاین و بەرنامەی ژیانی زۆرینەی خەڵكی كوردستانەو دەبێت ڕێزی لێبگیرێت، زۆر بەداخەوە وا خەریكە قسەی نەیارەكانمان لەسەرتان دەبێت بەڕاست و گومانە باشەكانی ئێمەش دەبنە هەڵە و بەرگری كوێرانەو دەمارگیری!، وا خەریكە شەرمەزارمان بكەن!، بەڕێزم: دەركردن و پەروایز خستنی ئاین لە ژیانی خەڵكی لە بواری كۆمەڵایەتی ئابوری و سیاسی… جگە لەوەی هاوسۆزی و هاو خەمی موسڵمانان و زانایانی ئاینی میللەتەكەی خۆت لە دەست دەدەیت، هیچ بەرهەمێكی باشیشی نابێت و سەرئەنجام دەبێتە هۆی بەهێزبوونی بزوتنەوە ئیسلامیەكان و ئینتمایی ئاینی، ئەوكات دەبێت بەڕێزیشتان یان وەك ستالین ببەنە دیكتاتۆرێكی خوێن ڕێژی موسڵمان كوژ كە ئەوەش هەر دادت نادات و سەرئەنجام شكست دەخۆیت و لە لوتكەی كۆشكەكەتدا ” قل هو الله أحد ” دەخوێنرێتەوە وەك ئەوەی لە كۆشكی كرملن دا خوێنرا، یان سەرئەنجام وەك ئێستای توركیات لێ بەسەردێ‌ دوای حەفتا ساڵ علمانیەتی تۆتالیتاری و ستەم و نادادی بەرامبەر ئیسلام دواجار لەسەردەستی ئیسلامیەكان ملی شكا !، ئەوەش بزانە ئیسلام پێویستی خەڵكە نەك پێویستی بە خەڵك بێت، ئیسلام ناسەپەێت بەڵكو دەبێت خۆت زۆر مەمنونی ببیت ئەگەرنا منەتی پێت نیە، ئێمە لە زووەوە وتومانە داعش لیزمە لە ئیسلامیدا هەیە و لە چەپ و ماركسی و علمانیەتیشدا هەیە چونكە لۆژكەكەی سڕینەوەی هەموو ئەوانی تر و ڕەنگەکانی ترە ئەوكارەی ئێوەش كە لە”میرات و مارەیی ئافرەتان” و وەك پێدەچێت لە هەمووشتەكانی تردشدا هەر وایە!، جۆرێكە لە داعشێتی بەسەر زۆرینەیەکی موسڵماندا، ئێمە گومانی هەڵەمان وابوو كە ئێوە هیچ كێشەیەكتان لەگەل خودی ئیسلامدا نیە، بەڵام پێچەوانەكەی ڕاست دەرچوو، ئێوە كێشەتان لەگەڵ خودی ئیسلامدا هەیە، بەم پێیە وا پێدەچێت لای ئێوە دەبێت ئیسلام پێشی موسڵمان باجی لەسەر بێت،

 25بەڕێز: وا خەریكە دەگەمە كۆتایی نامەكەم، دووبارەی دەكەمەوە بەڕێزت و پارتەكەت شتێكن و نیشتمان و خاك و نەتەوەی كوردوستان شتێكی تر، ئێمە بەردەوام دەبین لە هاوسۆزی و پەرۆشی و یارمەتی و پشتیوانی بست بە بستی خاكی كوردوستان لە هەر چوار پارچەكەداو جیاواز سلێمانی و کۆبانی بۆ ئێمە نییەو بە پەرستشیشی دەزانین، بەڵام لێرە بەدواوە چاوێك بەهەڵوێستەكانماندا دەگێڕینەوە لە پشتوانی و یارمەتی دانی تۆ و پارتەکەت و شەڕەڤانەكانت،خۆ ئەگەر ئێوە پەشیمان نەبنەوە لەو هەڵوێستەتان بەرامبەر بە ئیسلام ئەوە ئێمە پەشیمان دەبینەوەو تەوبەیەكی نەصوحیش دەكەین لەوەی گومانی باشمان زۆر بوو پێتان و زۆر بەتوندی ڕووبەڕووی زۆرێك لە مامۆستایانی ئاینی و برا موسڵمانەكانی ناو خۆمان دەبوینەوە، تا ئەوەی ئێمە ئەوانمان بە خەڵەفاوو ئەوانیش ئێمەیان تكفیر دەکرد لەسەر پشتوانیمان لە جەنابت و پارتە ئایدلۆژیەکەت!،

بۆیە بەندە پێیوایە: هێشتر كات زووە بۆ ئەوەی دڵنیابیتەوە لە سەلامەتی و سەقامگیری حوكومەتەكەت و بێ منەتیت لە ئیسلام و هاوسۆزی موسڵمانان و زانایانی ئاینی!!!، هەم كاتیش ماوە بۆ ئەوەی پێداچوونەوە بکەن بە بڕیار و هەڵوێست و بیروباوەڕەتان بەرامبەر خودی ئیسلام و یاساكانی، بەتایبەتیش یاسای باریكەسێتی لانی كەم بەکۆی گشتی نابێت ڕۆڵی ئاین لەو كانتۆنەی ڕۆژئاوادا كەمتر بێت لە ڕۆڵی ئاین لە هەرێمی كوردستانی باشوردا، ئەگەرنا هەڵوێستمان زۆر لەوەش توندتر دەبێت ئەوكات لۆمەی كەس نەكەن خۆتان نەبێت!.

م ملا كامران علی خواڕەحم

هەینی 14/ 11/2014 ئێستاش

مافەكانی ژنان لە بڕیارەكەی رۆژئاوادا

 2 - Copyمەرسومی ژمارە 22ـ ساڵی 2014 بڵاوكردەوە، سەبارەت بەمافەكانی ژنان و مەبدەئەكانی ژیان دەكرێت لەژێر فەرمانڕەوایی ئیدارەی خۆڕێبەری رۆژئاوا:

گرنگترین خاڵەکانی مەرسوومەکە :

– یەكسانی نێوان ژن و پیاو لە هەموو بوارەكانی ژیان.

– ژنان مافی هەڵبژاردن و خۆپاڵاوتنیان هەیە.

– پابەندبوون بە مەبدەئی بەڕێوەبەرایەتی هاوبەش لە سەرجەم دامەزراوەكان.

– ژنان مافی دامەزراندنی رێكخراوی سیاسی، كۆمەڵایەتی، ئابووری و رۆشنبیرییان هەیە.

– كاتێك گفتوگۆ لەبارەی ئەو یاسایانە دەكرێت كە لە حاڵەتی لەناكاو لەلایەن ئەنجوومەنی یاسادانانەوە دەردەچێت دەبێت نوێنەری رێكخراوی ژنان و مافەكانی مرۆڤ ئامادەبن.

– كاتێك یاسایەكی تایبەت بە ژنان لەلایەن ئەنجوومەنی یاسادانانەوە دەردەچێت دەبێت بیروباوەڕی ژنان بە هەند وەربگیرێت.

– ژنان و پیاوان یەكسانن لە مافی كاركردن و كرێ وەرگتندا.

– لە رووی یاساییەوە ژنان و پیاوان یەكسانن لە گەواهیدان ” شەهادەدان”.

– نابێت كچ بەبێ ویستی خۆی بەشووبدرێت.

– پوچەڵكردنەوەی مارەیی بەهۆی ئەوەی دەبێتە هۆی ئەوەی ژن خاوەنی بۆ پەیداببێت و لەجێگای ئەوەش دەبێت ژن و پیاو هاوبەشی بكەن لە دابینكردنی ژیانیان.

– قەدەخەكردنی فرەژنی.

– هەردوولا بۆیان هەیە داوای جیابوونەوە بكەن و تەڵاقیش تەنیا بە ویستی هەردوولا دەبێت. ژن و پیاو لە هەموو بابەتەكانی پەیوەندیدار بە میرات یەكسانن.

– كوشتن بەبیانووی شەرەف تاوانە و ئەو كەسەی ئەو كارەش بكات بەپێی یاسا بە بكوژ هەژماردەكرێت و سزادەدرێت.

– ژن یان پیاو ئەگەر خیانەت لە هاوسەرەكەی بكات بە شێوازێكی تووند سزادەدرێت.

– بەتاوانكردنی مامەڵەكردن بە منداڵان و ژنان و دانانی سزای توند بۆ ئەو كەسانەی ئەم كارە دەكەن جا ئەم مامەڵەیەش لە رووی ” سێكس، كارپێكردنی منداڵان یان بازرگانیكردن بە ئەندامەكانی مرۆڤەوەبن”.

– قەدەخەكردنی بەشوودانی كچان بەرلە تەمەنی 18 ساڵی.

– ئەگەر ژنێك هاوسەرگیری كردبێت یان نا مافی خۆیەتی تاوەكو منداڵەكانی دەبنە 15 ساڵ پەروەردەیان بكات و دەبێت هەر یەكە لە ژن و پیاوەكە لە رووی مادییەوە ئەركەكانیان بەرامبەر منداڵەكان جێبەجێبكەن.

– ئەو ژنانەی كاردەكەن دەبێت كاتێك منداڵیان بوو مۆڵەتیان پێبدرێت و مووچەشیان نەبڕێت ئەمەش تاوەكو 3 منداڵ جێبەجێ دەكرێت.

عومەر مەحمەد

 10723260_786216431434384_413892369_nئاخر ئەوە نەگبەتی کوردنیە لەدوای ئەو هەموو قارەمانێتییەی ژنانی کۆبانێ کە دنیای سەرسام کردووە، کەچی هێشتا ویژدانی مەلا کامەرانی لاخۆمانی نەجوڵاندووە ! هەرچەند من هیچ بەلامەوە سەیر نییە کە دەبینم مەلایەک ئاوا بێشەرمانە ڕەخنە لە مافی ژن و یاساکانی کانتۆنەکانی رۆژئاوا بگرێت و داوای کەمکردنەوەی مافی ژنان بکات ! مەلایەک کە پێیی شەرم نەبێت بە ئاین میللەتەکەی خۆی تەعریب بکات و ژنان کۆیلەی داب و نەریتی عەرەبی بەدەوی بکات، هیچ سەیر نییە شەکری ئاواش بشکێنێ بەلام ئەوەی سەیرە بەلامەوە تێنەگەیشتنی مەلاکامەرانە لە رۆڵی ژنانی رۆژئاوا، ئەو هێشتا پێی وایە ساڵح موسلم ئازایەتتی بەژنان بەخشیوە ! پێیوایە ساڵح موسلم ئەو مافەی بۆ دەستەبەرکردوون، بۆیە نامەکەشی ئاراستەی ئەوکردووە، بەعەقڵی خۆی ساڵح موسلم ئەگەر بخوازێت و لوتف بکات وبەقسەی مەلا کامەران بکات دەتوانێت نەک هەر مافەکانیان کەم بکاتەوە دەتوانێ ئازایەتیشیان لێبستێنێتەوە. نازانێ ئەوە ساڵح موسلیمە لەناو ئەو ژنە ئازایانەدا سەربەرزە بە هاوسەنگەرییان، نازانێ ئەو ژنانە بە ئازایەتی خۆیان ئەو مافانەیان بەدەست هێناوە و ساڵح موسلم پێیی نەبەخشیون، ئەم نامەیەی مەلا کامەران چەندە نابەجێیە هێندە پێویست بوو بۆ لابردنی ئەو دەمامکەی لە ١٧ی شوباتەوە ناوێتی لە روخساری، دەنا ئاوا بەخوێنساردییەوە داوای کەمکردنەوەی مافی ژنانی رۆژئاوا ناکات ! چ ژنێکیش ئەو ژنە ئازایانەی سەدان پیاوی جیهادی و مێشک وشکیان لەگۆڕناوە، ئەو پیاوانەی بەو پەری نامەردی و دڵپیسییەوە ژنیان بەناقس عەقڵ دەزانی و بەخەیاڵی پوچیان هاتبوون لەکۆبانێ پیاوەکان بکوژن و ژنەکان بەکەنیزەک بکەن و لەبازارەکاندا نرخیان بۆ دابنێن ؟ ئەوانەی ژن تەنها بۆ کۆیلەکردن و نیکاح و سیغە سێکس دەبینن، بەدڵنیاییەوە مەلا کامەران شتێک لەمە کەمتریان ثێ ڕەوانابینێت .

مەلا کامەران بەچ حەقێک ئەو مافە بەخۆی دەدا مافی ژنانی کۆبانێ کەم بکاتەوە، کە لەبری هەزارن پیاوی ترسنۆک شەریانکردووەو داکۆکییان لە بون وکەرامەتی خۆیان ومیللەتەکەیان کردووە ؟ مەلا کامەران و ئەوانی تر نەک هەرنەیانتوانی بەرگری لە ژنانی شەنگال بکەن بەڵکو هاو دین و هاوبیرەکانی ژنانیان ئەتک کرد. ئیتر چۆن لە روتان دێت ئەو قسە نابەجێیانە بکەن ؟

لە پاش نامەی كراوەی مامۆستا کامەران بۆ صالح مسلم هاوسەرۆكی پەیەدە

 عەدالەت عومەر ساڵەح

 adalatبۆ زانیاریتان زۆر وڵات هەیە دینیان ئیسلامە بەڵام دەستوریان علمانیە و حکومەتیکی علمانی بەرێوە دەچێت هیچ کێشەیەکیان نیە جگە لەوەی هەموویان لە ئارامی ژیان بەسەر دەبن بۆ نمونە وڵاتی بۆسنێ هرزوگۆین لە پاش مال وێرانی وجینۆساید سەرەرای ئەوەی٨٠% خەڵکەکەیان مۆسلمانە حکومەتیکی علمانیان دانا من سەردانی ئەو ولاتم کرد باوەرتان هەبیت دینەکە زۆر جوانتر لێرە بەرێوە دەچێت و ئارام و ئاسودەن نمونەی تریش زۆرن، ئەو بریار و یاسا مه‌ده‌نی و یه‌کسان خوازه‌که‌ی رۆژئاوای کوردستان هێز و توانا دەبخشێتە ژنان تاکو چیتر ژیر دەستەی پیاوان نەبن ئازا بن لە بریار دان، یەکسان بن لە رووی ئەرک و ماف، باشە پیم ناڵێن جیاوازی من و تۆی بەرێز چیە لە کار و کردەوە کە ناتوانم بە شاهدیک حیساب بکرێم جگە لەوەی من ماندووترم و ئەرکم زیاترە بەڵام مافم کەمترە ،بەرگری لە چی دەکەن مامۆستا ژنان لە وڵاتی من لەسەر کەمترین هەڵە و بێ هەڵە کوژراون و دەکوژرێن ئەوان لە پاش طلاق دانیش کە بریاریکی رەوایە لە دینی ئیسلامیش بەردەوام لە ژیر هەرەشەن لە دەست پیاوان، لە ولاتی من بە هۆی ئەو ئائینە هەموو شتیک بۆ پیاوان حەڵالە بۆ ژنان حەرام ،دە لێگەرێن با بزانین ئەوەی ئەوان باشترە یان ئەوەی لێرە بەرێوە دەچێت با ئەزموون وەرگرین و تاقی بکەینەوە چما ناڵێن ئەزموون سەنگی محەکە ،من پالپشتی خۆم بۆ بریار و یاسا مه‌ده‌نی و یه‌کسان خوازه‌که‌ی رۆژئاوای کوردستان دەردەبرم بە تایبەتی لەسەر بریارەکانی باری کەسی .قسەم زۆرە بەڵام هەر ئەوەندە مەجالم هەبوو .

هيمن مامةند

 hemnمن نامەویت لەسەر مەلا قسە بكەم، جونكە كەقسەمان لەسەر ئەوان كرد واتە ئەوانمان كەورە كرد ، باشترین سزای من بۆئەوان ئەوەیە كەبایكۆتی ئەوانم كردووەو لەیشت ئەوان نویز ناكەم و لەهەر جیكایەكیش بیانبینم وەكو مرۆفیكی ئاسایی سەیریان دەكەم ، یەكیك لەكارەسەتاكانی 17ی شوبات و شكستەكەی ئەوە بوو كەكۆمەلیك مەلای لەبشتەوە بوو ، كۆمەلیك مەلا سەكۆی مەیدانی ئازادیان كردبوو وەك مەلا كامەران، مەلا كامەران ناوەكەی لی خەسارە جونكە ئەو هەركیز كامەران نابیت ، كامەرانی ئەو لەوەدایە زن و كجەكانی كۆبانی بجنەوە مال و ئیتر جەكەكانیان دابنین و برا داعشەكانی مەلا كامەران سەركەون، ئەمەش خەونیكە و نایەتەدی ، بۆیە هەركیز ملا كامران كامەران نابیت

بۆچوون