Naxsh Bannar Ad

جینۆساید كورد
2014/11/23 14:46
نوسەر: جینۆسایدی کورد

مۆنۆمێنتی چەمچەماڵ: كۆڕێك بۆ نووسەرو رۆژنامەنووش تەها سلێمان

ئا: جینۆساید كورد

سەرلەبەیانی ئەمڕۆ 23-11-2014 كاتژمێری “10”و نیو، لە مۆنۆمێنتی ئەنفال لە قەزای چەمچەماڵ كۆڕێك بە ناو نیشانی “تێگەیشتن لە جینۆسایدی ئێزدییەكان” بۆ نووسەرو چالاكوانی بواری جینۆساید “تەها سلێمان” سازكرا.

سەرەتای كۆڕەكە بە چەند چركەیەك وەستان بۆ گیانی پاكی قوربانیانی ئەنفال و شەهیدان دەستی پێكردو بەخێرهاتنی گەرمی میوانەكان كرا.

پاشان نووسەرو چالاكوان “تەها سلێمان” سوپاسگوزاری خۆی ئاراستەی بەرێوەبەرایەتی مۆنۆمێنتی ئەنفال لە قەزای چەمچەماڵ كرد، بۆ سازكردنی ئەم كۆڕەو بانگێشتكردنی.

پاشان بە شێوەیەكی زانستی و ئەكادیمیانە باسی چەمكی جینۆسایدو مێژووی ئێزدییەكان و شاڵاوەكانی جینۆسایدكردنیان لە مێژوودا كرد، هاوكات باسی دوا وێستگەی جینۆسایدكردنی ئێزدییەكانی كرد، كە لە 3-8-2014 وە لەلایەن داعشەوە دەستی پێكرد.

هەروەك نووسەر چەندین داتاو بەڵگەنامەو ئاماری پێویستی خستە ڕوو، بۆ پشتڕاستكردنەوەی ناوەڕۆكی بابەتەكەی.

ئەمەو لە دوا بەشی بابەتەكەیدا تیشكی خستە سەر ئەو ڕێ‌ و شوێنانەی كە پێویستە لە دۆسیەی كاركردنی ئێزدییەكان و پێكهاتەكانی مەسیحی و شەبەك بگیرێنە بەر، و ئەوەشی روون كردەوە كە تا ئێستا پەرلەمانی كوردستان سەڕای بوونی سێ‌ پڕۆژە یاسا لە بەردەستی نەیتوانیوە بڕیاری بە جینۆساید ناساندنی شاڵاوەكانی داعش بۆ سەر ئێزدییەكان بدات، ئەوەشی تا ئێستا دەوترێ‌ تەنها لە گووتاری ئاراستە كراوی رۆژانە سەرۆكایەتی هەرێم و ئەنجومەنی وەزیرانی هەرێم دەڵێن جینۆساید، لە واقیعدا هیچ بڕیارێكی پێویست لەم بارەوە نەدراوەو نیە.

لە كۆتایدا ئامادە بوان چەندین پرسیارو سەرنجیان خستە ڕوو، نووسەرو چالاكوان تەها سلێمان گفتوگۆی لە گەڵ كردن و وڵامی سەرنج و پرسیارەكانیانی دایەوەو وەك خۆشیان باسیان لێوە كرد بابەتێكی وا بۆ ئەوان پێویست و نوێ‌ و پڕ لە زانیاری بوو.

ئەمەو كۆڕەكە نزیكەی دوو كاتژمێری خایاند.

34 DSC_0791 DSC_0816

بۆچوون