Naxsh Bannar Ad

جینۆساید كورد
2015/05/09 16:40
نوسەر: جینۆسایدی کورد

نوێترین ئامارەكانی جینۆسایدی شەنگال و ئێزدییەكان 2014

ئا: تەها سلێمان

داود موراد خەتاری، وەك سەربازێكی ون، وەك نووسەرو لێكۆڵەرێكی ورد، هەر جارەو بە زانیارییەكی نوێ‌ سەبارەت بە جێنۆسایدی شەنگال و ئێزدییەكان لە سەردەستی دەوڵەتی تیرۆریستی ئیسلامی “داعش” ساڵی 2014 و لێكەوتەو كاریگەرییەكانی تا ئەم ساتەوەختە، ئاگادارمان دەكاتەوە. لە نوێترین راپۆرتی دێكۆمێنتكراویدا، نووسەر هەندێ‌ ئامارو داتای ورد بە زمانی عەرەبی دەخاتە بەردەستمان، ئەمەش ئەو زمانەنەیە كە تاوانی پێدەناسرێتەوە، ئەگەر ئەمڕۆ كارە دێكۆمێنتەرییەكانی “داود” وەك پێویست نەبوبێـتە سەرچاوەی فراوان بۆ میدیای كوردی و ناوچەكەو دەرەوە، بێگومان لە ئایندەیەكی نزیك هەموو قەردارباری ئەم هەوڵە گرنگ و پڕ بایەخانەی “داود” دەبن و پەنای بۆ دەبەن.

ئامارەكانی دوو توێی ئەم راپۆرتەی نووسەرو لێكۆڵەر “داود موراد خەتاری” بەشێكی بەرچاو لە قوربانیەكانی پەلامارو شاڵاوەكانی “داعش” بۆ سەر شەنگال و ئێزدییەكان لە سەرەتای مانگی ئایی 2014 بۆ مانگی نیسانی 2015 دەگرێتە خۆ، دوور لە زیادڕۆیی و بە پشت بەستن بە دێكۆمێتەكانی بەردەستی یان ئەو گەشت و بە دواداچونە مەیدانیانەی خۆی ئەنجامی داون، ژمارەو ئاماری قوربانیەكانمان بەم شێوەیە بۆ راست دەكاتەوە.

-ژمارەی تەواوی قوربانیەكان “4541” چوار هەزارو پێنج سەدو چل و یەك كەس

– ژمارەی شەهیدەكان “1137” هەزارو سەدو سی و حەوت كەس

-شارۆچكەی شیمال “143” سەدو چل و سێ‌ شەهید

-شارۆچكەی جنوب “994” نۆسەدو نەوەدو چوارشەهید

-ژمارەی بێسەرو شوێنكراوان “3324” سێهەزارو سێسەدو چواردەكەس

-شارۆچكەی شیمال “1012” هەزارو دوانزەكەس بێسەرو شوێنكراوی ئافرەت و پیاو

-شارۆچكەی جنوب “2302” دووهەزارو سێسەدو دووكەس بێسەرو شوێنكراوی ئافرەت و پیاو

-ژمارەی گەڕاوە زیندانی كراوەكان لەلای داعش لەماوەی نێوان مانگی ئابی 2014 تا مانگی نیسانی 2015 “1629” هەزارو شەش سەدو بیست و نۆ كەس، “340” سێسەدو چلیان رەگەزی نێرو “760” حەود سەدو شەستیان ئافرەت، “262” دووسەدو شەست و دوو مناڵ لە رەگەزی نێرو “267” دووسەدو شەست و حەوت مناڵ لە رەگەزی مێ‌.

****************

ژمارەی قوربانیەكانی شارۆچكەی تەل عوزێر، لە تەواوی سنووری كارگێڕیدا، “تل عزیز، سیپا، گرزرگ” و گوندەكانی دەورو بەری:

-ژمارەی شەهید”370″ سێسەدوهەفتا، ژمارەی كۆچكردوو “188” سەدو هەشتاو هەشت، ژمارەی رفێنراو “645” شەش سەدو چل و پێنج، ژمارەی ونبوان “225” دووسەدو بیست و پێنج، كۆی گشتی “1437” هەزارو چوارسەدو سی و حەوت قوربانی، ژمارەی رەگەزی نێر” 749″ حەودسەدو چل و نۆ، ژمارەی رەگەزی مێ‌” 588″ پێنج سەدو هەشتاو هەشت.

***************

ژمارەی قوربانیەكانی تەل قەسەب، شەهید “107” سەدو حەوت، كۆچكردوو “29” بیست و نۆ، رفێنراو “269” دووسەدو شەست و نۆ، ونبوان “339” سێسەدو سی و نۆ، كۆی گشتی: “744” حەود سەدو چل و چواركەس، “491” بەتەمەن، “258” كەس مناڵ.

***************

ئەوانەی لی دوای ئەنجامدانی تاوانی كۆمەڵكوژی رۆژی 15-8-2014 لە گوندی كۆجۆ گەڕاونەتەوە، لە رەگەزی نێر”303″ سێسەدو سێ‌ كەس، لە رەگەزی مێ‌ “271” دووسەدو هەفتاو یەك كەس، سەرجەمی بێسەرو شوێنكراوان”1029″ هەزارو بیست و نۆكەس، ژمارەی رەگەزی نێر”520″ پێنج سەدو بیست كەس، ژمارەی رەگەزی مێ‌” 509″ پێنج سەدو نۆكەس، ژمارەی سەرجەم خێزانەكان بە پێی كۆبوونی خۆراك “344” سێسەدو چل و چوار خێزان، ژمارەی سەرجەم دانیشتوانی گوندەكە “1738” هەزارو حەودسەدو سی و هەشت كەس، ژمارەی ئەوانەی لە رۆژی كۆمەڵكوژییەكە لە ناو گوندەكە بوون “1200” هەزارو دووسەد كەس، ژمارەی ژن و كچ و مناڵە رفێنراوەكان لە رۆژی كۆمەڵكوژییەكەوە “694” شەش سەدو نەوەدو چواركەس، ژمارەی ئەوانەی چارەنوسیان نادیارە “385” كەس، ژمارەی ئەوانەی پێش كۆمەڵكوژییەكە دەرچوون “538” پێنج سەدو سی و هەشت كەس، ژمارەی ئەو ژن و كچانەی لە ژێردەستی داعش لە سوریاو عێراق گەڕاونەتەوە “390” سێسەدو نەوەد كەس، كە “19”ی تر لە رەگەزی نێر لە گۆڕە بە كۆمەڵەكانەوە دەربازبوون.

                 ژمارەی ئەو مناڵانەی تەنیا دەرچوون “42” مناڵ

                ژمارەی ئەو خێزانانەی كەسیان دەرنەچوون “63” شەست و سێ‌ خێزان

                ئەو خێزانانەی تەنها یەك كەسیان دەرچوە “47” چل و حەوت خێزان

                ئەو خێزانانەی بە تەواوی دەربازبوون “25” بیست و پێنج خێزان

سەرچاوە: ماڵپەڕی بەحزانی نێت، داود موراد خەتاری

بۆچوون