Naxsh Bannar Ad

جینۆساید كورد
2015/08/01 21:40
نوسەر: جینۆسایدی کورد

تاوانی دژی زارگەلی “تاوانی جینۆساید، جەنگ، دووژمنكاری” پێك دێنێ‌

تاوانی دژی زارگەلی “تاوانی جینۆساید، جەنگ، دووژمنكاری” پێك دێنێ‌
دوای ئەوەی بەرەبەیانی رۆژی 1-8 فڕۆكە جەنگییەكانی دەوڵەتی توركیا گوندی زارگەلی یان لە سنووری قەزای سۆران بۆردوومان كردو زیاتر لە هەشت شەهیدو 15 برینداری لێكەوتەوەو ناڕەزایەتیەكی فراوانی بەدوای خۆیدا هێنا، لەم بارەوە مامۆستایەكی زانكۆو شارەزای بواری جینۆساید ئاوارە حوسێن، بۆ ماڵپەڕی جینۆساید كوردوتی:
تاوانەکەی گوندی زارگەلی قەندیلی قەڵا، پێشێلکردنی یاسای نێودەوڵەتیەو تاوانەکانی: جینۆساید- دژ بەمرۆڤایەتی- جەنگ- دوژمنکاری پێک دەهێنێت لە یاسای تاوانکاری نێودەوڵەتیدا.
شتێک نییە بە ناوی سەرۆکایەتی هەرێم و حکومەتی باشوور، ئەوەی هەیە لە کۆیلەیەکی سیاسی زیاتر هیچی دیکە نیە.
ئەوەشی وت: ئەرکێکی یاسایی، ئاکاریی و مێژوویی نوێنەرانی کوردە لە بەغداد کە لە ڕێگەی حکومەتی عێراقەوە ئەو کەیسە بگەیەنن بە دادگای لاهای، لەوێدا ئەردۆگان سزای یاسایی وەربگرێت و قەرەبووی مادی و مەعنەوی زیانەکانیش بکاتەوە.
وتیشی: ئەنجومەنی ئاسایشیش ئەرکێکی یاسای لە ئەستۆیە بەپێی بەشی حەوتەمی دەستووری ڕێکخراوی نەتەوە یەکگرتووەکان و بەپێی بڕگەی (٢) ی ماددەی (١٣) ی دادگای لاهای بە بڕیارێک ئەردۆگان ڕاپێچی دادگا بکەن وەک تاوانکاری ئەو تاوانە.

بۆچوون