Naxsh Bannar Ad

جینۆساید كورد
2015/10/05 20:01
نوسەر: جینۆسایدی کورد

له‌كاتی كاركردندا له‌ باشوری كه‌ركوك گۆڕێكی به‌كۆمه‌ڵ دۆزرایه‌وه‌.

له‌كاتی كاركردندا له‌ نزیكه‌ سه‌ربازگه‌ی توبزاوای باشوری كه‌ركوك گۆڕێكی به‌كۆمه‌ڵ دۆزرایه‌وه‌.

دوای ئه‌وه‌ی وه‌زاره‌تی كاروباری شه‌هیدان و ئه‌نفالكراوان ئاگادار كرایه‌وه‌ له‌لایه‌ن مامۆستا ریبوار ئه‌ندامی ئه‌نجومه‌نی نوێنه‌رانی عیراق ، ئه‌مرۆ په‌ری نوری عه‌زیز به‌ فه‌رمانی مه‌حمودی حاجی سالح وه‌زیری كاروباری شه‌هیدان و ئه‌نفالكراوان سه‌ردانی شوینه‌كه‌ی كرد.

په‌ری نوری عه‌زیز سه‌رپه‌رشتیاری گۆڕه‌ به‌كۆمه‌ڵه‌كان له‌ وه‌زاره‌تی كاروباری شه‌هیدان و ئه‌نفالكراوان رایگه‌یاند ئه‌مڕۆ دوای ئه‌وه‌ی ئاگادار كراینه‌وه‌، به‌ هاوكاری ئاسایشی كه‌ركوك و پوڵیس و به‌رێوه‌به‌ری ناحیه‌ی یایجی و پولیسی ناوچه‌كه‌ و به‌رێوه‌به‌ری گشتی شه‌هیدانی كه‌ركوك سه‌ردانی شوێنه‌كه‌مان كرد، بۆمان ده‌ركه‌وت كه‌ گۆریكی به‌كۆمه‌ڵه‌ و قوربانیه‌كانی بۆ سه‌رده‌می ئه‌نفال یان راپه‌رین ده‌كه‌رێته‌وه‌ و شوێنه‌كه‌ نزیك سه‌ربازگه‌ی توبزاوایه‌ كه‌ له‌ كاتی ئه‌نفالدا شوێنی جیاكردنه‌وه‌ی ئه‌نفالكراوه‌كان بووه‌ و له‌ راپه‌رینیشدا رژێمی له‌ناوچوو خه‌ڵكی تێدا گولـله‌باران كردوه‌.

هه‌روه‌ها وتی: وه‌كو ئاگادارن وه‌زاره‌تی كاروباری شه‌هیدان و ئه‌نفالكراوان كاری گۆره‌ به‌كۆمه‌ڵه‌كان به‌ هه‌ماهه‌نگی له‌گه‌ڵ وه‌زاره‌تی مافی مرۆڤی عیراقی ئه‌نجام ده‌دات به‌لام له‌به‌ر ئه‌وه‌ی له‌ ئیستادا وه‌زاره‌تی ناوبراو به‌ر پرۆسه‌ی جاكسازی سه‌رۆك وه‌زیرانی عیراق حیدر العبادی كه‌وتووه‌ و هه‌ڵوه‌ساوه‌ته‌وه‌، بۆیه‌ پێشنیاری ئه‌وه‌مان كرد ئه‌نجومه‌نی پارێزگای كه‌ركوك ئه‌و ده‌سه‌لاتانه‌ به‌كار بهێنێ كه‌ بۆی دابه‌زێندراوه‌ به‌مه‌به‌ستی جێبه‌جێ كردنی هه‌ردوو برگه‌ی 4 و 6 له‌ یاسای ژماره‌ 5 ی ساڵی 2006 بۆ ئه‌م مه‌به‌سته‌ سه‌ردانی ئه‌نجومه‌نی پارێزگای كه‌ركوكمان كرد جێگری سه‌رۆكی ئه‌نجومه‌نمان بینی له‌به‌ر ئه‌وه‌ی سه‌رۆكی ئه‌نجومه‌ن له‌وێ نه‌بوو داوامان لیكردن كه‌ هاوكارمان بن له‌ پاراستن و هه‌ڵدانه‌وه‌ی ئه‌و گۆره‌ به‌كۆڵه‌مه‌ڵه‌ ئه‌وانیش به‌لێنی هه‌موو هاوكاریه‌كیان پێداین و له‌داهاتوودا دوای ته‌واو بوونی رێكاره‌ یاساییه‌كان تیمی تایبه‌تی وه‌زاره‌ت كاری هه‌ڵدانه‌وه‌ی بۆ ده‌كات.

شایانی باسه‌ له‌مه‌وبه‌ریش له‌ هه‌مان شوێندا روفاتی 36 قوربانی ده‌ستی رژێم له‌ نزیك سه‌ربازگه‌ی توبزاوا ده‌رهێنران و دواتر له‌ هه‌مان شوێندا له‌ مه‌راسیمی شایسته‌ به‌ ئاماده‌ بوونی سه‌رۆكی حكومه‌تی و وه‌زیری كاروباری شه‌هیدان و ئه‌نفالكروان و لێپرسراوان به‌خاك سپێردرانه‌وه‌ .

PUKmedia فوئاد عوسمان

بۆچوون