Naxsh Bannar Ad

جینۆساید كورد
2015/11/22 20:56
نوسەر: جینۆسایدی کورد

پێشانگایەك بۆ منداڵانی ئەنفالكراو دەكرێتەوە

دواڕۆژ: دەشتی ئەنوەر

لە ڕۆژی جاڕی گەردوونی مافەكانی منداڵاندا لەلایەن چالاكوانێكەوە پێشانگایەك لەسەر منداڵانی ئەنفال بە شێوەی دیكۆمێنتاری دەكرێتەوە.

رێكەوتی 23/11 ی هەموو ساڵێك بەرۆژی جیهانی جاڕی گەردوونی مافەكانی منداڵان دانراوە، لەو رۆژەشدا لە گەرمیان نوسینگەی مافی مرۆڤ، لە ژێر ناونیشانی (یادی منداڵانی جیهان‌و تابلۆی پەپولە هەڵوەریوەكان لە ئەنفالی گەرمیاندا) پێشانگایەك بۆ چالاكوانێك رێكدەخات.

سمكۆ سابیر چالاكوان‌و توێژەری بواری ئەنفال بە دواڕۆژی ڕاگەیاند “دوای گەڕان و ماندوو بوونێكی زۆر بەدوای وێنەی كەسوكاری ئەنفالكراوەكان توانیم ژمارەیەكی زۆر وێنەی ئەو كەسانە كۆ بكەنەوە كە ئەنفالكراون”.

وتیشی “لەوێنەكاندا منداڵی زۆری تێدابوو، بۆیە بڕیارمدا لە ڕۆژی جاری گەردوونی مافەكانی منداڵ پێشانگایەك بكەمەوە بە بیری نەوەی ئێستای بێنمەوە كە ئێمە نەك گەورەكانمان، بەڵكو مناڵە بێتاوانەكانیشمان بێبەش كران لە مافەكانی خۆیان و زیندە بەچاڵكران”.

ئاماژەی بەوەشدا دەیەوێت بەكارێكی دیكۆمێنتاری‌و بەڵگەی ڕوون ئەوە پیشانی گەلانی دونیا بدات، ئەوان بۆ مناڵەكانیان چی مافێكیان دابینكردووەو كوردیش لەسەر دەستی بەعس مناڵەكانیان لە زیندە بەچاڵ كراون و خراونەتە ژێر خاك و خۆڵی بیبانەكانی ناوەڕاست و خوارووی عێراقەوە.

– وێنەكە كۆمەڵێك منداڵی گەرمیانن كە لە پرۆسەكانی ئەنفالدا، ئەنفالكراون.

بۆچوون