Naxsh Bannar Ad

جینۆساید كورد
2015/12/14 15:51
نوسەر: جینۆسایدی کورد

سمینار: كورد وەك قوربانی تاوانی جینۆساید

ئێوارەی ئەمڕۆ رێكەوتی 14-12-2015 لە هۆڵی مەلا مەحمودی بایەزیدی، ناو تەلاری ئەكادیمیای كوردی لە هەولێر، كاتژمێری چواری ئێوارە سمینارێك بۆ نووسەرو رووناكبیر “شەفیقی حاجی خدر”، لەژێر ناونیشانی “كورد وەك قوربانی تاوانی جینۆساید”، سازكرا.
سەرەتا پێشكەش كاری سمینارەكە بەخێرهاتنی میوانەكانی كردو كورتەیەك لە ژیان نامەی كۆڕگێڕی خوێندەوەو پاشان دەرفەتی كردەوە بۆ كۆڕگێڕ باسەكەی پێشكەش كرد.
لە باسەكەیدا، شەفیقی حاجی خدر باسی مێژوو و چەمكی جینۆسایدی كرد، هەروەها باسی یاساكانی تایبەت بە جینۆسایدی كردو دواتریش باسی قۆناغەكانی جینۆسایدو ئەنفالی گەلی كوردی كرد.
لە بەشێكی تری باسەكەیدا باسی ئەنفال و گرێدانەوەی بە ئاین كردو كۆمەڵێك دیدو بۆچونی لەو بارەوە خستە ڕوو.
هاوكان باسی پرسی تاوانبارو تۆمەتبارەكانی تاوانی جینۆسایدو ئەنفالی كردو رایەكی تایبەتی خستە ڕوو، بەتایبەت لە بارەی بەشداری جاش و موستەشارەكانەوە.
لە بەرامبەرو كۆتایی سمینارەكەدا، بەشێكی زۆر لە ئامادەبوان بەشدارییان كرد، هەروەك بەشێك لە ئامادەبوان رەخنەیەیان لە باس و بۆچونەكەی كۆڕگێڕ گرت و پێیان وابوو بەتەواوی نەیتوانیوە ئامانجی ناونیشانەكەی بپێكێ‌، هاوكات بەشێك لە ئامادەبوان دەست خۆشییان لێكردو باسەكەیان بە جددی و گەرم وەرگرت.
شەفیقی حاجی خدر وەرگێڕو رووناكبیرێكی دیاری كوردستان و تا ئێستا هەشت كتێبی لە زمانی ئنگلیزییەوە بۆ زمانی كوردی وەرگێڕاوەو ماستەری لە یاسادا هەیە.

10141 75673 - Copy

بۆچوون