Naxsh Bannar Ad

جینۆساید كورد
2016/04/20 19:14
نوسەر: جینۆسایدی کورد

چەسپاندنی تاوانەكانی جینۆساید لە زانكۆی هەڵەبجە بۆ خوێندن

چەند ساڵێكە مامۆستایەكی گەنج، ئەویش “ئاوارە حوسێن” لە هەوڵی ئەوەدایە تاوانەكانی جینۆسایدی گەلی كوردو كوردستان، بەبەرنامەو بە شێوەیەكی سیستماتیك، لە زانكۆدا جێگا بكاتەوە. ئەو خۆی كە لە كۆلێژی یاسا “زانكۆی هەڵەبجە” مامۆستایە، هەوڵەكانی لەوێوە دەست پێكردوەو پراكتیزەكردوە. ئەم مامۆستایە نەك تەنیا خەونی خۆی، بەڵكو خەونی نەتەوەیەكی پراكتیزە كرد، كە هەموومان ساڵانێكە بەگوێی سیستەمی حكومڕانی وڵات و زانكۆكانی كوردستانیدا دەدەین.
لە پۆستێكدا مامۆستا ئاوارە حوسێن لە ئاكاونتی تایبەتی خۆی لە تۆڕی كۆمەڵایەتی فەیسبوك دەڵێ‌”: وەك ئەرك و بە شانازییەوە، وەك یەكەم بەش و زانكۆ لە ڕوانگەی یاسایی و زانستیەوە جینۆسایدی كوردمان وەك وانەیەك لە بەشی یاسای زانكۆی هەڵەبجە جێگیر كردو ئێستا بەردەوامین لێی، ئەمەی خوارەوە پرسیارەكانی نیوەی ساڵی فێرخوازانی قۆناغی دووەمی بەشەكەمانە، كە خۆشبەختانە تا ئێستا زۆر باش لە وانەكە گەشتوون. جۆرە تێگەشتنیك كە هیچ كام لە بڕیار بەدەستە بەرهەم خۆرە بێ بەرهەماكانی باشوور ئەو تێگەیشتن و هۆشیارییەیان لا نیەو نایانەوێت لایان بێت، چونكە خۆیان بە ئەشقەوە پەنای ئەوانەیان داوە و دەدەن كە بەشدار بوون لە جینۆسایدی كورددا”.
كارەكەی مامۆستا ئاوارە شایانی ئافەرینە، ئافەرینێك تەنها ئەو ئافەرینەیە بێبەرامبەر پێی ببەخشرێ‌، چونكە لە بنەڕەتدا “ئاوارە” بۆ ئافەرینی رووكەشانە ئەمەی نەكردوە، بەڵكو وەك ئەركێكی نەتەوەیی و نیشتمانی، دواتریش وەك ئەركێكی ئاكاری و زانستی ئەمەی ئەنجامداوە.
ئایا زانكۆكانی تری كوردستان چاو لەم هەنگاوەی مامۆستا ئاوارەو زانكۆی هةلبجة دەكەن؟ یان پێچەوانەكەی هەڵدەبژێرن؟
تێبینی: تەماشای بەڵگەنامەی پرسیارەكانی قۆناغی دووەمی خوێندكارەكان بكە

1

بۆچوون