Naxsh Bannar Ad

جینۆساید كورد
2016/06/02 13:47
نوسەر: جینۆسایدی کورد

جینۆسایدی ئەرەمەن: پەرلەمانی ئەڵمانیا بڕیارە گرنگەی داو توركیاش دەكەوێتە پەلەقاژە

ئا: جینۆساید كورد

پەرلەمانی ئەڵمانیا بە زۆرینەی دەنگ كۆمەڵكوژی ئەرمەنەكانی بە جینۆساید ناساند و چووە پاڵ 24 وڵاتی دیكە كە ئەو كۆمەڵكوژییەیان بە جینۆساید ناساندووە، لەگەڵ بەشێك لە ویلایەتە یەكگرتوەكانی ئەمریكاو چەندین رێكخراوی گەورەی جیهانی.
دەزگاكانی راگەیاندن بڵاویان كردەوە، پەرلەمانی ئەڵمانیا لە دانیشتنی ئەمڕۆیدا بەزۆرینەی دەنگ كۆمەڵكوژی ئەرمەنەكانی بە جینۆساید ناساند.
هەروەك ئاماژە بۆ ئەوەش دەكەن، تەنیا یەك پەرلەمانتار دەنگی نەدا و یەكێكی دیكەش بە نەخێر دەنگیدا، بە جینۆساید ناساندنی كۆمەڵكوژی ئەرمەنەكان لەنێو پەرلەمانی ئەڵمانیا دەنگدانەوەی زۆری هەبوو، هەروەك بۆ داهاتووش دەنگدانەوەو كاریگەری زۆری دەبێ، لەسەر ئاستی ئەوروپاو كۆمەڵگای نێودەوڵەتی و پەیوەندییەكانی نێوان ئەڵمانیاو توركیا.
رۆژی پێنجشەممە 2-6-2016، لەسەر كەیسی بەجینۆسایدناساندنی كۆمەڵكوژی ئەرمەنییەكان لە ساڵی 1915دا، كۆبوونەوەی پەرلەمانی ئەڵمانیا ئەنجامدرا، كە لەم تاوانەدا نزیكەی یەك ملیون ئەرمەنی لەسەردەستی دەوڵەتی عوسمانی “توركیا” كۆمەڵكوژو بێسەرو شوێنكراون.
كەیسی كۆمەڵكوژی ئەرمەنییەكان، دەمێكە لە پەرلەمانی ئەڵمانیا هەیە و گفتوگۆی لەسەر دەكرێت، تا ئێستا زیاتر لە 24 وڵات لە ئەوروپا و وڵاتانی جیهان و بەشێكی زۆر لە ویلایەتە یەكگرتوەكانی ئەمریكاو چەندین رێكخراوی گەورەی جیهانی كۆمەڵكوژی ئەرمەنییەكانیان بە جینۆساید ناساندووە، هاوكات پاپای ڤاتیكان ئەو كۆمەڵكوژییەی بە جینۆساید ناوبردووە.
لەبەرامبەر ئەم بڕیارەی پەرلەمانی ئەڵمانیاو ناساندنی تاوانی دژ بەئەرمەنەكان بە جینۆساید، توركیا بەتەواوی سەغڵەت بوەو لەكاردانەوەیەكی بە پەلەشدا، سەرۆكوەزیرانی توركیا هەڵوێستی حكومەتەكەی لەبارەی پەسندكردنی بەجینۆساید ناساندنی كۆمەڵكوژی ئەرمەنەكان لەلایەن پەرلەمانی ئەڵمانیا دەربڕی و رایگەیاند، بڕیارەكە رەتدەكەنەوەو نایناسن و قبوڵی ناكەن و بۆ ئەم مەبەستەش بانگهێشتی باڵیۆزی توركیایان كردووە بۆ كاری راوێژكاری.
بیناڵی یڵدرم سەرۆكوەزیرانی توركیا رایگەیاند، پەسندكردنی بەجینۆساید ناساندنی كۆمەڵكوژی ئەرمەنەكان لەلایەن پەرلەمانی ئەڵمانیا بڕیارێكی هەڵەیەو كاریگەری راستەوخۆی لەسەر پەیوەندییە دۆستانەكەی نێوانیان دەكات.
سەرۆكوەزیرانی توركیا دەڵێت: “بەهەموو شێوەیەك ئەو بڕیارە رەتدەكەینەوەو قبوڵی ناكەین، بۆ ئەم مەبەستەش باڵیۆزی توركیامان لە بەرلین بەمەبەستی راوێژكاری زیاتر بانگهێشت كردووەتەوە”.
دوای پەسندكردنی بەجینۆساید ناساندنی كۆمەڵكوژی ئەرمەنەكان لەلایەن پەرلەمانی ئەڵمانیا، یاسین ئاكتای گوتەبێژی فەرمی ئاكپارتی بەتووندی رەخنەی ئاراستەی حكومەت و پەرلەمانی ئەڵمانیا كردو جەختیكردەوە: “كاریگەری لەسەر پەیوەندییەكانیان دەبێت و توركیاش بڕیاری خۆی لەمبارەیەوە دەدات”.
رۆژی پێنجشەممە 2-6-2016، لەسەر كەیسی بەجینۆسایدناساندنی كۆمەڵكوژی ئەرمەنییەكان لە ساڵی 1915دا، كۆبوونەوەی پەرلەمانی ئەڵمانیا ئەنجامدراو پەرلەمانی ئەڵمانیا بە زۆرینەی دەنگ كۆمەڵكوژی ئەرمەنەكانی بە جینۆساید ناساند، ئەمەش هێندەی ترو زیاتر، پرسی جینۆسایدی ئەرمەن لەسەرشانۆی سیاسی و یاسایی ئەوروپاو رۆژئاواو وڵاتان پێشدەخاو بەرپرسیارێتی سیاسی و یاسایی دەخاتە ئەستۆی توركیا، بۆیەش توركیا تووشی پەلەقاژێ‌ بوەو رەدی دەكەنەوە. بەڵام بیریان چوە ئەڵمانیاو هەر وڵاتێكی تر لەبڕیاردان سەربەخۆن و توركیا بۆی نیە كەمترین شت بەسەریاندا فەرزبكات.
ئەمە جگە لەوەی بڕیارەكەی ئەڵمانیا، گورزێكی كوشندەیە لە سیاسەتی فاشیانەو رەگەزپەرستانەی توركیا، كە ئێستاشی پێوە بێ‌ پیادە دەكرێ‌، بۆ نموونە ئەو تاوانانەی لە باكووری كوردستان ئەنجام دەدری، هیچیان كەمتر نیە لە تاوانی جینۆسایدو تاوانی دژی مرۆیی.

جینۆسایدی ئەرەمەن: پەرلەمانی ئەڵمانیا بڕیارە گرنگەی داو توركیاش دەكەوێتە پەلەقاژە

جینۆسایدی ئەرەمەن: پەرلەمانی ئەڵمانیا بڕیارە گرنگەی داو توركیاش دەكەوێتە پەلەقاژە

بۆچوون