Naxsh Bannar Ad

جینۆساید كورد
2016/06/04 11:16
نوسەر: جینۆسایدی کورد

داعش لە فەللوجە: ٢٠ هەزار منداڵی بە زۆر چەكداركردووة

داعش لە فەللوجە: ٢٠ هەزار منداڵی بە زۆر چەكداركردووە
سەرچاوەیەك لە ڕێكخراوی نەتەوەیەكگرتووەكان، بە زۆر چەكداركردنی ٢٠ هەزار منداڵی فەللوجە لەلایەن داعشەوە ڕاگەیاند. ڕێكخراوی چاودێریكردنی مافی منداڵی سەر بە ‌نەتەوەیەكگرتووكان ڕایگەیاند داعش لە فەللوجە ٢٠ هەزار منداڵی بە زۆر چەكداركردووە. بە پێی هەواڵەكەی (یونیسێف)، ‌داعش لە فەللوجە ٢٠ هەزار منداڵی بە زۆر چەكدار كردووە‌و ئەمەش مەترسیدارە، بۆیە ڕایگەیاند كە پێویستە حكومەتی عێرار دەرگا بەڕووی ڕزگاركردنی هاووڵاتییانی سڤیلی ئەو شارەدا بكاتەوە.
لە ئێستادا لەبەر مەترسی لەسەر گیانی هاووڵاتییان، هێزەكانی عێراق لە دەروازەكانی شاری فەللوجە وەستان و پێشڕەویی ناكەن. هەر لەمبارەیەوە كۆمسیۆنی باڵای مافی مرۆڤ لە عێراق، كردنەوەی ٤ بنكەی بەزۆر چەكداركردنی منداڵانی لە فەللوجە ئاشكرا كرد.
ئەكرێ‌ ئەمەش بەیەكێك لە تاوانە گەورەو دڕندانەكانی داعش ئەژماربكرێ‌ و بكرێتە دۆسییەك لە ئەنجومەنی ئاسایشی نێودەوڵەتی و دادگای تاوانی نێودەوڵەتی، بۆ ئەوەی وەك تاوانی جەنگ و تاوانی دژ بە مافەكانی مناڵان و پێشێلكردنی پرنسیپە یاسایی و نێودەوڵەتیەكان لەم بوارە، مامەڵەی لەگەڵ بكرێ‌.

بۆچوون