Naxsh Bannar Ad

جینۆساید كورد
2016/08/29 20:10
نوسەر: جینۆسایدی کورد

یەكەمین كۆنفرانسی زانستی تایبەت بە جینۆساید لە هەلەبجە

جینۆساید كورد

رۆژی 28-8-2016 زانكۆی هەڵەبجە “بەشی یاسا”، بە ئامادەبوونی وەزیری خوێندنی باڵاو وەزیری شەهیدان و پارێزگاری هەڵەبجەو پەرلەمانتاران و سەرۆكی بەشێك لە زانكۆكانی كوردستان، هاوكات دەیان خەڵكی شارەزاو پسپۆری بواری جینۆسایدو ئەنفال و مامۆستایانی زانكۆكانی كوردستان، یەكەمین كۆنفرانسی زانستی تایبەت بە جینۆساید لەپارێزگای هەڵەبجە لەژێردروشمی ” تاوانەكانی جینۆساید لە كوردستان سەرەتایەك بۆ جیابوونەوەو دامەزراندنی دەوڵەتی كوردی“، ئەنجامدا.
سەرەتای كۆنفرانسەكە لەكاتژمێری 9و بیست خولەك بەسروودی ئەی رەقیب دەستی پێكرد، پاشان ووتاری لیژنەی باڵاَی كۆنفرانس لەلایەن دكتۆر هێمن عەبدوڵا خوێندرایەوە. پاشان ووتاری هەریەك لە پرۆفیسۆری یاریدەدەر دكتۆر خەسرەو عەبدوڵا عەلی سەرۆكی زانكۆی هەڵەبجە، ووتاری دتۆر یوسف گۆران وەزیری خوێندنی باڵا پێشكەش كران.
هەریەك لە دكتۆر رێبوار كەریم بەناو نیشانی “رۆڵی دیپلۆماسییەتی كوردی لەناساندن و بەنێودەوڵەتی كردنی جینۆسایدی كورد-دیپلۆماسیەتی كوردی –ئەمریكی بە نموونە”. مامۆستا ئاوارە حوسێن بەناو نیشانی “چۆنێتی ناساندنی كەیسی جینۆسایدی شەنگال بەدادگای تاوانی نێودەوڵەتی”. سۆران عومەر ئەندامی پەرلەمانی كوردستان بەناونیشانی “رۆڵی لیژنەی مافی مرۆڤ لە ناساندنی جینۆسایدی شەنگال و لابردنی ئاستەنگەكانی”. موحسین ئەدیب بەناونیشانی “لەنێوان جینۆسایدی فیزیكی و جینۆسایدی كلتوریدا”. بابەتەكانیان پێشكەشكرد، كەلایەن ئامادەبوانەوە گفتوگۆی گەرمو گوڕی هێنایە پێشەوە.
بۆ خوێندنەوەی تەواوی زانیاری و ئەجێندای كۆنفرانسەكە كلیك لەسەر ئەم لینكە بكە:كۆنفرانسی جینۆساید لە هەلەبجە

14183953_1133349473423281_2845718786185003123_n 14202603_1133349610089934_1142708018490030988_n

بۆچوون