Naxsh Bannar Ad

جینۆساید كورد
2017/05/17 19:39
نوسەر: جینۆساید كورد

چیرۆكی جینۆسایدی ئێزدییەكان: گفتووگۆی نێوان پزیشكێكی ژنان و مناڵێكی رفێنراو

 

 

چیرۆكی جینۆسایدی ئێزدییەكان

گفتووگۆی نێوان پزیشكێكی ژنان و مناڵێكی رفێنراو

ئا بەعەرەبی: داود موراد خەتاری

ئامادەكردنی بۆ كوردی: تەها سلێمان

“س، س، خ –ت 2003″، لە گێڕانەوەی ئەوەی بەسەریاندا هاتوە لە لایەن داعشەوە، دەڵێ‌” دوای لەلایەن داعشەكانەوە لە سۆلاغ كۆكراینەوە، هەڵسان بە رەوانەكردنمان بۆ تەلعەفەرو لەوێشەوە بۆ گوندی قزل قێو، بەڵام زۆر نەماینەوەو بۆ ماوەی یەك مانگ رەوانەی مەزرعەیەكیان كردین  لە رەقە، دواتر بۆ شاری سلوكی، كە داپیرم و برایەكم تەمەن 2006 لەگەڵ بوون.

هەروەها “س”ی دەربازبوو یان رزگاركراو لە چەنگی داعش باسی ئەوەش دەكات، لە سلوكی 23 رۆژ ماونەتەوەو داعشێك بەناوی ئەبو سەعد ئەلجەزراوی كرێونی  و بردونی بۆ باب حەلەب و ناوی شۆفێرەكەشی ئەبو مەسعەب زەرقاوی بوە.  ئەوەش باس دەكات كە ئەبو سەعد زۆر تەعدای لێكردوەو ویستویەتی بەزۆر دەست درێژی بكاتەسەرو ئەمیش پێی وتوە”:

– من تەمەنم مناڵەو بۆچی دەتەوێ‌ ئیغتسابم بكەی؟

-لەبەر ئەوەی مناڵی ئەمەوێ‌ چێژت لێوەربگرم!!

-روو بەڕووی ئازار ئەبمەوەو دواتر دەكەومە نەخۆشخانە؟

-مەترسە عەقیدەكەمان رێنمایی كردوە لە نۆساڵیدا بچینە لای كچ “واتە سیكس بكەن”

-بەهیچ شێوەیەك رێگات نادەم…

– “عنوە عنكِ یا سبیە یا كافرە”، بۆ ئەوەی ماناكە وەك خۆی بدات نەمكردە كوردی و تا سەر ئێسك ئەو دێرەی داعشەكە لەگەڵ كچێكی مناڵ ئازاری دام

-دایكم لەلاتە، ئایا ئەبێ‌ لەنێوان دایك و كچەیكدا سیكس بكرێ‌ لە ئاینی ئیسلامدا؟

-ئەگەر ئێوە موسڵمان بوایەن نەدەبوو، مادام ئێوە ئێزدین و بەكافر ئەژمار ئەكرێن، سیكس كردن لەنێوان دایك و كچداو لەسەر یەك جێگاش ئەبێ‌، بەڵام لە نێوان دووژنی موسڵمان لەسەر یەك جێگاش نابێ‌؟!!

-بەڵام خێزانەكەت ئاگاداری كردمەوە لە حاڵەتی تەحروش بەمن رێگای لێدەگرم و ئەگەریش لە گوێم لێنەگرێ‌، داوای تەڵاقی لێدەكەم؟

-گرنگی بە قسەی ژنەكەم مەدە، ژن غیرە لە پیاوەكان دەكەن

-لێت قبوڵ ناكەم لێم نزیك بیتەوە

-قبوڵ بكەی یان نەیكەی ” سأنال منك رغماً عن انفك وأنف والدتك وزوجتی أیچاً”، ئەرێ‌ بەراست وەحشی و دڕندە وەك ئەمە جگە لە خۆی، لە كوێی تر هەیە؟

-تكا دەكەم بە دەمانچەكەت بمكوژە، بۆ ئەوەی لەم دنیا فاسیدە رزگارم بێت

-نا تۆ جوانی، لە مردن نزیك مەبەرەوە

ئیتر ئەبو سەعدی داعش و خوێنڕێژ، بە داری ماسیحەیەك دەكەوێتە لێدانی “س”، ئەویش هاوار دەكات هاوار دەكات، تا هۆشی لەدەستدەدات، دواجار دایكی بۆی باس دەكات لە دەریایەك خوێندا جێی هێڵاوە؟!!

باسی ئەوەش دەكات كە كچ و داێكێكی تریان لەگەڵ بوە لەسەر یەك جێگاو پێكەوە ئیغتسابیان كردوون، سەرەڕای ئەوەی دایكەكە ویستویەتی رێگری بكات لەوەی لەگەڵ كچەكەی و لەسەر یەك جێگا ئیغتسابیان بكەن، بەڵام وەحشەكان بەشێوەیەكی هێندە تووند مامەڵەیان لەگەڵ كردوون، بە هیچ پێوەرێكی ئەخلاقی ناپێورێ‌ و داوامان لێدەكات بیبینین؟

“س” دەڵێ‌: لەدایكمیان جیاكردەوەو برمیان بۆ ماڵێكی تر تا ئەكاتەی بووم بە موسڵمان و دواتر گەڕاندمیانەوە بۆ لای و بڕیاریاندا بمفرۆشن و وێنەكەمیان لەناو هاوەڵەكانیان بڵاوكردەوەو ئەبو هاجر جەزراوی كڕیمی؟

باسی ئەوەش دەكات ئەبو هاجر دەیەویست ئیغتسابم بكات رێگام لێی گرت، جل و بەرگەكانی داكەندوەو ئەمیش خۆی داوەتە دەم كارەباوەو بەڵام نەیكوشتوە، دواتر دەیباتە ژورێك بێ‌ كارەباو زۆر تاریك، شەوەكەی دەچێت بۆلای و دەیەوێ‌ لەگەڵی بخەوێ‌، دەبێتە شەڕیان و لەنەتیجەی لێدانی تووند هۆش لە دەستدەدات؟

ئەنجا “س” كە بەهۆش خۆی دێتەوەو وەك خۆی ئەڵێ‌”: خوێنم بە جەستەمەوە بینی و زانیم ئیغتساب كراوم”.

پاشان ئەبوهاجەر “س” دەفرۆشێ‌ بە ئەبو هتون ئەلجەزراوی، كە ناوی راستەقینەی ساڵەح بوەو یەك ساڵی رەبەق لەوێ‌ “حەلەب” دەمێننەوەو وەك خۆی باسی دەكات، زۆر دڵڕەقانە مامەڵەی لەگەڵ كراوە لەلایەن ئەبو هتونەوە.

چیرۆكەكەی “س” تادێ‌ پڕ سوێ‌ و ژانی زیاتر دەبێت، كاتێك دەیەوێ‌ خۆی بكوژێ‌ و “40” حەبی ئەسپیرۆن بەیەكجار دەخواو كەچی نامرێ‌، و بە ئازاری سك ئێشەو تەنگەنەفەسی دەناڵێنێ‌ و داعشەكەش نایبات بۆ لای دكتۆرو ئەمیش لەسەر جێگا بە ژانەسەری دائیم و رشانەوەوە بۆ ماوەی 20 رۆژ دەناڵێنێ‌ و بەبێ‌ نان و تەنها كەم كەم ئاو دەخواتەوەو رێگای دەرچونیشی نادەن و لەگەڵ ئەمەشدا بەردەوام حەبی مەنعی مناڵ بوونی پێئەدا؟! وەرە سەیری ئەم دڕندەیی و بێ‌ سەوادی و بەناو مرۆڤە بكە!!!

“س” لە كۆتایدا لەگەڵ دوو ئافرەتی تری ئێزیدی، لە رێگای كەسێكی سوورییەوە دەرفەتی بۆ دەرەخسێ‌ لە رێگای فەیسبوكەوە لەگەڵ خێزانەكەی قسەبكات و لەوێشەوە رێك دەكەون و هەرێكیان هەڵدێن و لە رۆژی 18-3-2017 رزگاریان دەبێت.

باسی ئەوەش ئەكات و ئەڵێ‌”: جارێكیان لە رەقە سەردانی پزیشكێكی ژنانم كرد، كاتێك پشكنینی بۆ كردم، وتی تۆ زۆر مناڵی ئەو سەگانە چییان پێكردوی؟ ئەڵێ‌ “: منیش چیرۆكەكەم بۆ باسكرد؟ پێی وتم: چیت بۆ بكەم خوشكی بەڕێزم؟پێم وت: ئایا ئیمكان هەیە هاوكاریم بكەی داخلی نەخۆشخانە بم و بۆ ماوەیەك بمێنمەوە تا هەستمەوە، چونكە ئەو وەحشیە بە هەموو وەحشییەتێك مامەڵەم لەگەڵ ئەكات؟ وتی: لە رێگای پشكنینەكانەوە ئەوەم زانی، ئەوەشمزانی لە تەماشای فلیمە ئیباحیەكان دەكات و لەسەر تۆ بە شێوەیەكی وەحشییانە لەسەر هەموو جسمی تۆ تەتبیقی ئەكات؟

-بەڵێ‌ دكتۆرە وەك فەرموون

-ناتوانم ناتوانم داخلی نەخۆشخانەت بكەم، بەڵام پێی ئەڵێم یەك مانگ نەیەتە لاتەوە

-سوپاس، بەڵام باش ئەزانم ئەو گوێ لە تەوسییەكەت ناگرێ‌

دكتۆرەكە رێنمایی داعشەكە دەكات بۆ ماوەی یەك مانگ نەچێتە لای  و داعشەكەش پێی ئەڵێ‌ تەواو دكتۆرە، بەڵام دوای گەڕانەوەیان بۆ ماڵ، داعشەكە ئەڵێ‌”: ئەم دكتۆرە هیچ لە شەریعەتی ئیسلام نازانێ‌؟

-بۆ؟

-تەعامولت لەگەڵ دەكەم وەك سەبییەك، ئەوەی ئەو ئەیڵێ‌ بۆ ئینسانی موسڵمانە؟

-بەڵام نەخۆش نەخۆشە ئەگەر موسڵمان یان مەسیحی یاخود كافر بە پێی نەهجەكەتان، لە كۆتاییدا ئەو ئینسانەو هەمان جسم و هەستی هەیە؟

-ئیلتزام بەو رێنماییە ناكەم دكتۆرەكە كردی

هەروەها لە كۆتایی ئەم چیرۆكە خەمناكەدا، “س” ئەڵێ‌”: بڕینی دەست و سەرم بینی، من لە سجن خزمەتی ئەوانەم ئەكرد كە هەموو دەستیان بڕابوەوە؟

تێبینی: چیرۆكەكە بێ‌ دەستكاری كردن ناوەڕۆكەكەی ئامادەكراوەتەوە

بۆچوون