Naxsh Bannar Ad

جینۆساید كورد
جینۆسایدكردنی كوردستان
ناوی کتێب:جینۆسایدكردنی كوردستان
نوسەر: تەها سلێمان
زمان:كوردى
بابەت:لێكۆڵینەوە
ژمارەی لاپەرە:285
جۆری فایل:ورد
سالی دەرچوون: 2016
دابەزاندن
دەربارە

پێشەكی

14188283_1148159115244970_3794118448570937557_o

ئەوەی لە دووتوێی لاپەڕەكانی ئەم كتێبەدا، دەبینرێ‌ و دەخوێندرێتەوە، ئاكامی كنەو پشكنینەكانی بەشێك لە هەوڵەكانمانن، تایبەت بە جینۆسایدی كوردو كوردستان، كە ساڵی 2015و 2016 لە رۆژنامەی “كوردستانی نوێ‌”، بە دۆسییەی تایبەت بڵاو بوونەوە.
كتێبەكە پێك دێت لە چەند بەشێك و ئەم بابەت و لێكۆڵینەوانەی لەخۆگرتوە ” قۆناغەكانی پێشكەوتن و چەسپاندنی دەستەواژەی جینۆساید، جینۆسایدی قەڵادزێ‌، جینۆسایدی كوردی فەیلی لەعێراقدا، جینۆسایدی بارزانیەكان، جینۆسایدو كیمیابارانی شاری سەردەشت، جینۆسایدو كیمیابارانكردنی هەڵەبجە، جینۆسایدی ئەنفال، جینۆسایدی ئێزدییەكان، جینۆسایدی باكوری كوردستان، سێ‌ پاشكۆی تایبەت لە ئامارو زانیاری ئەنفال و كیمیاباران”.
لەگەڵ ئەوەشدا كورتەیەك لە دیارترین وێستگەكانی جینۆسایدكردنی كوردو كوردستانمان لە ناوەڕٍۆكی بابەتەكانەوە بە زمانی “ئنگلیزی”ئامادەكردوەو لە كۆتایی كتێبەكەدا داناوە، كە ئەمەش بۆ خوێنەری ئنگلیزی، بەتایبەت بۆ ئەوانەی ئنگلیزی زانن گرنگەو دەتوانێ‌ زانیاری سەرەتایی باشیان بخاتە بەردەست.
باوەڕم بەوە هەیە هەر یەك لە لێكۆڵینەوەكان، بۆ خوێنەری جددی گرنگی و بەهای خۆیان هەیە، چونكە شێوازی كاركردن و نوسین و پۆلێنكردن لە لێكۆڵینەوەكان، شێوازێكی دوور لە تەم و مژە، بەڵكو هەوڵمانداوە تابتوانین بە ڕەوانی كاریان تێدا بكەین، مەبەستیشمان لەمە ئەوە بوە كە خۆمان بەدووربگرین لە خنكاندنی پرسەكە لەناو جوغزی زمان و سەرلێشێواندنی خوێنەر.
هەروەها بەسەریەكەوەو كۆكردنەوەی كۆمەڵێك لێكۆڵینەوەی تایبەت بە پرسی جینۆسایدكردن و كیمیابارانكردنی گەلی كوردو كوردستان، دەبێتە دەریچەیەكی باش و زانیاری بەخش بە خوێنەرو ئەوانەی بیانەوێ‌ شارەزای بەشێك لە مێژووی ئەنجامدانی ئەم تاوانانە “جینۆساید” بن.
ئیتر، لێرەوە قسەی تر زیادەو ئەوەی هەیە كتێبەكە لەبەردەستی ئێوەدایە، بێگومان خاڵی نیە لە خەوش، لەكوێ‌ خەوشەكانتان بەرچاوكەوت و بینی، فڕێی بدەن، لەكوێش باشمان هێنابوو، سوودی لێوەربگرن.
بەهیوای ئەوەی كەلێنێكی ترمان، لەبارەی “جینۆسایدكردنی كوردستان”، لە بواری نوسین و لێكۆڵینەوە پڕكردبێتەوە.

نووسەر

بۆ خوێندنەوەی كتێبەكە ئەم لینگە دابگرە: جينؤسايدى كوردستان

بۆچوون